СЕМЕЙ ӨҢІРІНДЕ ҚАЛҚАНША БЕЗІНІҢ ТҮЙІНДІ ФОРМАЛАРЫНЫҢ ЖИІЛІК КЕЗДЕСУІ
Актуальность. Бұл жұмыста 2018-2022 жылдар аралығында Семей өңірі тұрғындары арасында сауалнама нәтижесінде қалалық емханалар мен Семей қаласындағы медициналық мекемелерде анықталған қалқанша безінің түйінді жаңа түзілістерінің көрсеткіштері ұсынылған. Қазақстан аумағы, әсіресе бұрынғы Семей ядролық полигонына жақын орналасқан Семей өңірі радиациялық фон жағынан қолайсыз екені белгілі, бұл онкологиялық аурулардың, оның ішінде қалқанша безі қатерлі ісігінің өсуіне әсер етті.
Зерттеудің мақсаты 2018-2022 жылдар аралығында Семей өңірі тұрғындары арасында қалқанша безінің түйінді түрлерінің жиілігін зерттеу.
Материалдар мен әдістер. Бірмезгілдік көлденең эпидемиологиялық зерттеу жүргізілді. Жұмысты орындау үшін Семей қаласындағы қалалық емханалар мен медициналық мекемелерде сауалнама жүргізілді. Зерттеуге 2018-2022 жылдар аралығында Семей өңірінде тіркелген қалқанша безінің түйінді жаңа түзілістерінің барлық 912 жағдайы енгізілді. Диффузды-түйінді зоб, көптүйінді зоб, АИТ (аутоиммунды тиреоидит) аясындағы түйінді зоб, кистозды-коллоидты зоб диагнозымен анықталған түйінді жаңа түзілістердің жиілігі талданды. Статистикалық талдау мен мәліметтерді өңдеу Excel және SPSS 20 бағдарламалары арқылы жүзеге асырылды. Мәліметтер сипаттамалық статистика әдістерін пайдалана отырып сипатталды: сандық деректер үшін орталық тенденцияны (орташа) және оның дисперсиясын (стандартты ауытқу), сапалық деректер үшін абсолюттік жиіліктер мен олардың пайыздық көрсеткіштерін бағалау.
Нәтижелер. 2018-2022 жылдар аралығында жүргізілген зерттеу нәтижесінде Семей өңірінде қалқанша безінің түйінді түрлерінің жиілігінің артуы анықталды. Радиациялық қауіпті аймақтардан келген науқастар саны ең жоғары болды. Қалқанша безінің түйінді түрлері басқа түрлерге қарағанда жиі анықталып, орта жастағы әйелдерде көбірек кездеседі. Осы аймақтағы қалқанша безі патологиясының өсуі науқастардың жалпы денсаулығына, еңбекке қабілеттілігіне және өмір сүру сапасына әсер етеді.
Түйінді сөздер: Семей қаласы, түйінді түзілім, зоб.
Көрген адамдардың саны: 49
Библиографиялық сілтемелер
Еспенбетова М.Ж., Бидахметова А.М., Баймуханова А.А., Крыкпаева А.С., Уашева Л.Б. Семей өңірінде қалқанша безінің түйінді формаларының жиілік кездесуі // Ғылым және Денсаулық сақтау. 2024. Т.26 (5). Б. 41-46. doi 10.34689/SH.2024.26.5.005Ұқсас жариялымдар:
ЖҮКТІ ӘЙЕЛДЕРДЕГІ АУРУХАНАДАН ТЫС ПНЕВМОНИЯ. КЛИНИКАЛЫҚ ЖАҒДАЙ.
ОРТА ЖАСТАҒЫ ЖӘНЕ ЕГДЕ ЖАСТАҒЫ АДАМДАРДАҒЫ ДЕНЕ САЛМАҒЫ ИНДЕКСІ МЕН СҮЙЕКТІҢ МИНЕРАЛДЫ ТЫҒЫЗДЫҒЫ АРАСЫНДАҒЫ БАЙЛАНЫС
ДЕРМАТОФИТТЕРДІҢ АНТИМИКОТИКАЛЫҚ ПРЕПАРАТТАРҒА ТӨЗІМДІЛІГІНІҢ ҚАЗІРГІ ЖАҒДАЙЫ
БРОНХӨКПЕЛІК ДИСПЛАЗИЯНЫ ЗЕРТТЕУДЕГІ БИОМЕДИЦИНАЛЫҚ ИНФОРМАТИКАНЫҢ РӨЛІ
САРКОИДОЗ ЖӘНЕ ӨКПЕ ТУБЕРКУЛЕЗІ КЕЗІНДЕГІ ГРАНУЛЕМАТОЗДЫ ҚАБЫНУДЫ КЛИНИКА-МОРФОЛОГИЯЛЫҚ ЖӘНЕ МОРФОМЕТРИЯЛЫҚ БАҒАЛАУ