КЕСАРЬ ТІЛІГІ ЖИІЛІГІНІҢ КӨРСЕТКІШІН БАҒАЛАУ ЖӘНЕ ОНЫ ТӨМЕНДЕТУ МҮМКІНДІКТЕРІН ІЗДЕУ ҮШІН РОБСОН КЛАССИФИКАЦИЯСЫН ҚОЛДАНУ
Мақсаты. Акушерлік стационарлардың жұмысын талдауда Робсон әдісін қолдана отырып, оны төмендету мүмкіндіктерін іздеу үшін кесарькесарь тілігі жиілігінің көрсеткішін бағалау.
Зерттеу материалдары мен әдістері. Ретроспективті зерттеу "Астана медицина университеті" КЕАҚ «№2 акушерлік және гинекология» кафедрасының және "Семей медицина университеті" КЕАҚ Павлодар қаласы филиалының «Акушерлік және гинекология» кафедрасының клиникалық базаларында жүргізілді.
2023 жылдың 4 тоқсанында Астана қаласының №1 КҚА (ММ А) бойынша 3087 босану тарихы және Павлодар қаласының №1 ПОПО (ММ Б) бойынша 1022 босану тарихы талданды. Деректер MS Excel 2017 бағдарламасында алдын ала өңделген. Статистикалық нәтиже үшін студенттің Т-критерийі қолданылды.
Нәтижелер. MМ A және Б бойынша босану саны сәйкесінше, 3087 және 1022 құрайды. ММ А – да босану арасындағы кесарь тілігінің үлесі 23,94%, ал ММ Б - 22,31% құрайды. Босанудың жалпы саны-4109.
Зерттеу барысында ММ А-да келесі топтар мен іштоптар кесарь тілігінің жалпы жиілігіне ең үлкен үлес қосқаны анықталды: 5а-158( 21,21%); 5б– 130 (17,45%); 10– 78 (10,46%); 4б-76( 10,20%), сондай-ақ 2а және 2б – сәйкесінше, 68 және 63 (9,13% және 8,46%).
Абдоминальды жолмен босану жиілігі бойынша ММ Б-да кесарь тілігінің жалпы жиілігіне ең көп үлес қосқан топтар мен іштоптар: 5б (27,19%); 5а (15,79%); 2а (7,89%); 6 және 10 (әрқайсысы 7,46%).
Қорытынды. Астана қаласының №1 КҚА-ның акушерлік блогында 3, 6 және 7-ші топта кесарь тілігі жиілігінің салыстырмалы түрде төмен көрсеткіштері атап өтілді, бұл медициналық қызметкердің таза жамбаспен келу жағдайында босандыру дағдыларының жетік меңгергендіктерін көрсетеді. Б мекемесі үшін бұл топтар сыртқы акушерлік бұрылысты жүргізу және таза жамбаспен келу жағдайында босандыру дағдыларын үйрету арқылы кесарь тілігі жиілігін төмендетуге арналған резерв болып табылады.
Астана қаласының №1 КҚА-ның акушерлік блогында 4б - 10,20% (2,19%) және 5 - 21,21% (15,79%) топтарында кесарь тілігінің салыстырмалы жоғары жиілігі босану индукциясының тиімділігіне аудит жүргізу арқылы абдоминальді жолмен босануы жиілігін төмендету резерві болып табылады. 5-топта медициналық ұйым босану саясатын табиғи жолмен босандыруға бағыттай отырып қайта қарау қажет.
Түйінді сөздер: Робсон әдістеме, кесарь тілігі, босану индукциясы, босанған әйелдер, босану, төмендету резерві.
Көрген адамдардың саны: 54
Библиографиялық сілтемелер
Акылжанова Ж.Е., Танышева Г.А., Гасанова Э.З., Билялова Г.Т., Нурмагамбетова Д.М., Ахметова А.Б., Сулейменова Ә.С., Ұлан С.М., Нурмахан Н.С. Кесарь тілігі жиілігінің көрсеткішін бағалау және оны төмендету мүмкіндіктерін іздеу үшін Робсон классификациясын қолдану // Ғылым және Денсаулық сақтау. 2024. Т.26 (5). Б. 121-128. doi 10.34689/SH.2024.26.5.016Ұқсас жариялымдар:
ЖҮКТІ ӘЙЕЛДЕРДЕГІ АУРУХАНАДАН ТЫС ПНЕВМОНИЯ. КЛИНИКАЛЫҚ ЖАҒДАЙ.
ОРТА ЖАСТАҒЫ ЖӘНЕ ЕГДЕ ЖАСТАҒЫ АДАМДАРДАҒЫ ДЕНЕ САЛМАҒЫ ИНДЕКСІ МЕН СҮЙЕКТІҢ МИНЕРАЛДЫ ТЫҒЫЗДЫҒЫ АРАСЫНДАҒЫ БАЙЛАНЫС
ДЕРМАТОФИТТЕРДІҢ АНТИМИКОТИКАЛЫҚ ПРЕПАРАТТАРҒА ТӨЗІМДІЛІГІНІҢ ҚАЗІРГІ ЖАҒДАЙЫ
БРОНХӨКПЕЛІК ДИСПЛАЗИЯНЫ ЗЕРТТЕУДЕГІ БИОМЕДИЦИНАЛЫҚ ИНФОРМАТИКАНЫҢ РӨЛІ
САРКОИДОЗ ЖӘНЕ ӨКПЕ ТУБЕРКУЛЕЗІ КЕЗІНДЕГІ ГРАНУЛЕМАТОЗДЫ ҚАБЫНУДЫ КЛИНИКА-МОРФОЛОГИЯЛЫҚ ЖӘНЕ МОРФОМЕТРИЯЛЫҚ БАҒАЛАУ