ЦИФРЛЫҚ СОТ-МЕДИЦИНАЛЫҚ ДИАГНОСТИКАНЫ ПРАКТИКАҒА ЕНГІЗУДІҢ МӘСЕЛЕЛЕРІ МЕН ПЕРСПЕКТИВАЛАРЫН ЗЕРДЕЛЕУ
Мақсаты: Сандық сот-медициналық диагностиканың негізгі құрамдас бөлігі ретінде виртопсияны тәжірибеге енгізудің алғышарттарын зерттеу.
Материалдар мен әдістер: Сот сараптамасында виртуалды аутопсияның рөлін анықтау үшін зерттеу жүргізу мақсатында оның жан-жақтылығын қамтитын тиімді сұрақтар банкі құрылды (мәселелер талқыланып, әдістемелік кеңесте 06.10.2023 жылғы №1 хаттамада бекітілді). Ақтөбе өңіраралық сот сараптамалары орталығы виртуалды аутопсияны енгізу үшін алғышарттарды айқындау мақсатында бірнеше анықталған топтар арасында онлайн сауалнама және сұхбат әдісі (фокус-топ) екі кезеңнен тұратын зерттеу жүргізді. Екі кезеңде алынған жауаптар SPSS Statistics 22, graphpad Prism бағдарламаларында статистикалық түрде өңделеді, жауаптардың ұқсастығы бойынша топтарға жіктеледі, виртопсияны тәжірибеге енгізуге байланысты алғышарттар қалыптастырылады.
Негізгі нәтижелер: Сот сараптамасын жүргізуге қатысы жоқ адамдар (қызмет алушылар ретінде) арасында жүргізілген виртуалды аутопсияны тәжірибеге енгізу туралы сауалнама олардың виртуалды аутопсияны тәжірибеге енгізуге толық қолдау көрсеткенін көрсетті. Сауалнамада анықталғандай, діни себептер бойынша мәйітті аутопсиясыз және қандай да бір зақымдамай соңғы жолға шығару керек деген пікірді ұстанады. Ақылы негізде виртуалды аутопсия қызметтерін алу туралы сұраққа қатысушылардың 60% - ы толық мақұлдағанын, ал 29,4% - ы ішінара қолдайтынын атап өтті. Тұрғындардың пікірінше, виртуалды аутопсияны енгізу халық арасында түсінбеушілік фактілерінің санын азайтады. Сот-медициналық сараптамамен тығыз байланысты құқық қорғау органдарының қызметкерлері арасында фокус-топпен жүргізілген деректер зерттеуге қатысушылардың 89,3% - ы виртуалды аутопсияны тәжірибеге енгізу сараптама жүргізу мерзімін қысқартатынына сенімді екенін көрсетті, ал 7,2% - ы бұл сараптаманың күрделілігімен байланысты деген пікірде қалды.
Көрген адамдардың саны: 28
Мақалалар санаты:
Біртума зерттеулер
Библиографиялық сілтемелер
Рахманов С.Б., Балмагамбетова А.Д., Смагулов Г.Н. Цифрлық сот-медициналық диагностиканы практикаға енгізудің мәселелері мен перспективаларын зерделеу // Ғылым және Денсаулық сақтау. 2024. Т.26 (6). Б. 21-27. doi 10.34689/SH.2024.26.6.003Ұқсас жариялымдар:
ОРТА ЖАСТАҒЫ ЖӘНЕ ЕГДЕ ЖАСТАҒЫ АДАМДАРДАҒЫ ДЕНЕ САЛМАҒЫ ИНДЕКСІ МЕН СҮЙЕКТІҢ МИНЕРАЛДЫ ТЫҒЫЗДЫҒЫ АРАСЫНДАҒЫ БАЙЛАНЫС
САРКОИДОЗ ЖӘНЕ ӨКПЕ ТУБЕРКУЛЕЗІ КЕЗІНДЕГІ ГРАНУЛЕМАТОЗДЫ ҚАБЫНУДЫ КЛИНИКА-МОРФОЛОГИЯЛЫҚ ЖӘНЕ МОРФОМЕТРИЯЛЫҚ БАҒАЛАУ
БЕЛСЕНДІ ТУБЕРКУЛЕЗБЕН АУЫРАТЫН АИТВ ЖҰҚТЫРҒАН НАУҚАСТАРДА БАУЫРДЫҢ ДӘРІЛІК ЗАҚЫМДАНУЫ: САЛЫСТЫРМАЛЫ ЗЕРТХАНАЛЫҚ СИПАТТАМАСЫ
ҚАЗАҚСТАН РЕСПУБЛИКАСЫНДАҒЫ СОЗЫЛМАЛЫ ЖҮРЕК ЖЕТКІЛІКСІЗДІГІ БОЙЫНША АУРУЛАРДЫ БАСҚАРУ БАҒДАРЛАМАСЫН ІСКЕ АСЫРУ НӘТИЖЕЛЕРІ
ИНСУЛИНГЕ ТӨЗІМДІЛІГІ БАР НАУҚАСТАРДА ИНСУЛЬТ КЕЗІНДЕ ІШЕК МИКРОБИОМАСЫНЫҢ СИПАТТАМАСЫ