ИЫҚ СҮЙЕГІНІҢ ПРОКСИМАЛЬДЫ БӨЛІГІНІҢ СЫНЫҒЫН ӘЗІРЛЕНГЕН ҚҰРЫЛҒЫМЕН ЖӘНЕ СТАНДАРТТЫ СҮЙЕКҮСТІЛІК ҚҰЛЫПТАУШЫ ПЛАСТИНАМЕН ОСТЕОСИНТЕЗІНІҢ ТҰРАҚТЫЛЫҒЫН САЛЫСТЫРМАЛЫ ТҮРДЕ БИОМЕХАНИКАЛЫҚ ЗЕРТТЕУІ. СОҢҒЫ ЭЛЕМЕНТТЕР ӘДІСІМЕН КОМПЬЮТЕРЛІК МОДЕЛЬДЕУ.

Автор (лар): Мусабеков А.С., Жунусов Е.Т., Жанаспаев М.А., Тлемисов А.С., Аубакирова С.К,, Проказюк А.А.

DOI: 10.34689/SH.2024.26.6.010

Өзектілігі. Иық сүйегінің проксимальды бөлігінің сынықтары кездесу жиілігі бойынша сан сүйегінің мойыны мен кәрі жілік сүйегінің дистальды метаэпифизінің сынықтарынан кейінгі үшінші орынды алады. Көбінесе егде жастағы адамдар мен қарттарда кездеседі. Хирургиялық емінің көптеген әдістерінің болуына қарамастан, әлі күнге дейін екіншілік ығысу, винттардың шығып кетуі және асептикалық некроз секілді асқынулары көп кездеседі. Зерттеуде иық сүйегінің проксимальды бөлімінің сынығын жаңа құрылғымен остеосинтезінің биомеханикалық қасиеттерін анықтау үшін компьютерлік модельдеу жасалынып, клиникалық мысал ретінде науқасқа жасалған отанын жақын нәтижелері көрсетілді. Зерттеудің мақсаты. Ойлап тапқан жаңа құрылғымен және стандартты сүйекүстілік пластинамен бекітілген иық сүйегінің компьютерлік модельдерін соңғы элементтер әдісімен салыстырмалы түрде зерттеу. Материалдар мен әдістер. Иық сүйегінің проксимальды бөлігінің сынықтарын бекітуге арналған жаңа үлгідегі құрылғы жасап шығарылды. Орта жастағы ер адамнын иық буынының компьютерлік томограммасы негізінде иық сүйегінің 3D – моделі жасалынды. Иық сүйегінің модельдеріне 500 Н күшпен осі бойынша қысу, 200 қиғашынан қысу және 200 Н күшпен айналмалы жүктемелер симуляцияланды. Компьютерлік модельдеу кезінде алынған биомеханикалық эксперименттердің нәтижелері, фон Мизестің максималды кернеуінің таралу нүктелері, отадан кейінгі ерте кезеңдегі иық буынынын қызметінің қалпына келуі зерттелді. Нәтижелер. Соңғы элементтер әдісімен компьютерлік модельдеудің нәтижелері фон Мизес кернеуінің таралуы жаңа құрылғымен бекітілген иық сүйегінін моделінде, стандартты пластинамен бекітілген модельге қарағанда аздау болғанын көрсетті. Сынық бөліктерінін ығысуы стандартты пластинамен бекітілген иық сүйегінің моделінде көбірек болды. Ота жасалған науқаста иық буынының қызметі жақсы қалпына келді, Constant Murley (Score) шкаласы бойынша 85%-ды құрады. Тұжырым. Иық сүйегінің проксимальды бөлігінің сынығын жаңа құрылғымен остеосинтезі сынық орнынын тұрақтылығын арттырады, сынық бөліктерінің екіншілік ығысуынын алдын алып, иық буынындағы қимыл-қозғалыстың ерте қалпына келуіне септігін тигізеді.

Көрген адамдардың саны: 23

Түйенді сөздер: иық сүйегінің проксимальды бөлігінің сынығы, соңғы элементтер әдісімен компьютерлік модельдеу, жаңа үлгідегі құрылғы, остеосинтез, сүйек-пластина модельдері.

Мақалалар санаты: Біртума зерттеулер

Библиографиялық сілтемелер

Мусабеков А.С., Жунусов Е.Т., Жанаспаев М.А., Тлемисов А.С., Аубакирова С.К., Проказюк А.А. Иық сүйегінің проксимальды бөлігінің сынығын әзірленген құрылғымен және стандартты сүйекүстілік құлыптаушы пластинамен остеосинтезінің тұрақтылығын салыстырмалы түрде биомеханикалық зерттеуі. Соңғы элементтер әдісімен компьютерлік модельдеу // Ғылым және Денсаулық сақтау. 2024. Т.26 (6). Б. 81-87. doi 10.34689/SH.2024.26.6.010