ҚҰРҒАҚ ЫЛҒАЛДЫ МАКУЛЯРЛЫ ДЕГЕНЕРАЦИЯСЫ БАР НАУҚАСТАРДЫ ҚҰРАМЫНДА ЛЮТЕИН БАР ДӘРУМЕНДІ-МИНЕРАЛДЫ КЕШЕНМЕН ЕМДЕУ НӘТИЖЕЛЕРІ
Өзектілігі: Жас ерекшелігіне байланысты макулярлы дегенерация әлемнің дамыған елдерінде соқырлықтың негізгі себебі болып табылады.
Мақсаты: жасқа байланысты макулярлы дегенерацияның құрғақ түрімен науқастарды емдеу кезінде Слезавит препаратының клиникалық тиімділігін бағалау.
Зерттеу әдістері: Өзіндік дизайны бойынша бұл визометрия, субъективті рефрактометрия, тікелей офтальмоскопия, оптикалық когеренттік томография (ОКТ) әдістерімен қаралған және зерттеуге дейін және зерттеу аяқталғаннан кейін (1 жылдан кейін) орталық көру жүйесінің жағдайы туралы сұрастырылған негізгі топтағы 34 науқас және бақылау тобынан 29 науқасты қамтитын клиникалық зерттеу болып табылады. Зерттеу Семей қаласының "Офтальмохирургия" Мекемесінің базасында 19.12.2018 дан 25.12.2019 жж аралығында жүргізілді.
Зерттеу нәтижелерін статистикалық өңдеу SPSS (Statistical Package for the Social Sciences, Семей мемлекеттік медицина университетімен лицензияланған) статистикалық бағдарламалық қамтамасыздандырудың көмегімен жүзеге асырылды. Сандық мәліметтерді сипаттау үшін фракциялар, орташа және стандартты қателер (SE) қолданылды. Пайдаланылған сынақтардың статистикалық маңыздылығы 5% (р≤0,05) анықталды.
Нәтижелер: Слезавит препаратының 1 капсуласын күніне 1 рет 3 ай бойы қабылдаған топтағы науқастардың көру қабілетінің шамалы жоғарылауы байқалды. Сонымен қатар, ешқандай дәруменді-минералды кешен қабылдамайтын топтағы науқастардың көру өткірлігінің біршама нашарлауы байқалды. Сондай-ақ, бақылау тобындағы науқастарда аурудың өршуі байқалды, бұл жасқа байланысты макулярлы дегенерация (ЖбМД) санатының жоғарылауы ретінде көрінді. «Слезавит» тобының науқастарында ОСТ мәліметтеріне сәйкес макула аймағының қалыңдығының 3мм төмендегенін, теріс динамика анықталған бақылау тобындағы науқастармен салыстырғанда көру функцияларының субъективті қабылдауының жақсарғанын көрсетті.
Қорытынды: Құрғақ жасқа байланысты макулярлы дегенерациясы бар науқастарда «Слезавит» препаратын қабылдау витаминді-минералды кешендер қабылдамаған науқастармен салыстырғанда көру функцияларының жағдайына, макулярлы ісінудің төмендеуіне және орталық көру қабілетінің субъективті қабылдауына жағымды әсер етеді.
Көрген адамдардың саны: 43
Мақалалар санаты:
Біртума зерттеулер
Библиографиялық сілтемелер
Семенова Ю.М., Турусбекова У.К., Кайрбекова А.Е., Магауина Д.Д., Кампик А., Юрковский А.О. Құрғақ ылғалды макулярлы дегенерациясы бар науқастарды құрамында лютеин бар дәруменді-минералды кешенмен емдеу нәтижелері // Ғылым және Денсаулық сақтау. 2020. 1 (Т.22). Б. 80-87. doi:10.34689/SH.2020.22.1.009Ұқсас жариялымдар:
ОРТА ЖАСТАҒЫ ЖӘНЕ ЕГДЕ ЖАСТАҒЫ АДАМДАРДАҒЫ ДЕНЕ САЛМАҒЫ ИНДЕКСІ МЕН СҮЙЕКТІҢ МИНЕРАЛДЫ ТЫҒЫЗДЫҒЫ АРАСЫНДАҒЫ БАЙЛАНЫС
САРКОИДОЗ ЖӘНЕ ӨКПЕ ТУБЕРКУЛЕЗІ КЕЗІНДЕГІ ГРАНУЛЕМАТОЗДЫ ҚАБЫНУДЫ КЛИНИКА-МОРФОЛОГИЯЛЫҚ ЖӘНЕ МОРФОМЕТРИЯЛЫҚ БАҒАЛАУ
БЕЛСЕНДІ ТУБЕРКУЛЕЗБЕН АУЫРАТЫН АИТВ ЖҰҚТЫРҒАН НАУҚАСТАРДА БАУЫРДЫҢ ДӘРІЛІК ЗАҚЫМДАНУЫ: САЛЫСТЫРМАЛЫ ЗЕРТХАНАЛЫҚ СИПАТТАМАСЫ
ҚАЗАҚСТАН РЕСПУБЛИКАСЫНДАҒЫ СОЗЫЛМАЛЫ ЖҮРЕК ЖЕТКІЛІКСІЗДІГІ БОЙЫНША АУРУЛАРДЫ БАСҚАРУ БАҒДАРЛАМАСЫН ІСКЕ АСЫРУ НӘТИЖЕЛЕРІ
ИНСУЛИНГЕ ТӨЗІМДІЛІГІ БАР НАУҚАСТАРДА ИНСУЛЬТ КЕЗІНДЕ ІШЕК МИКРОБИОМАСЫНЫҢ СИПАТТАМАСЫ