ЖҮРЕК ЛАҚТЫРЫЛЫСЫ САҚТАЛҒАН ЖҮРЕК СОЗЫЛМАЛЫ ЖЕТКІЛІКСІЗДІГІ БАР НАУҚАСТАРДЫҢ ӨМІР СҮРУ САПАСЫН БАҒАЛАУ
Кіріспе. Өмір сүру сапасы (ӨСС) аурумен ассоциацияланған және ассоциацияланбаған параметрлердің бағасын білдіреді және ауру мен емнің науқастың психологиялық, эмоциялық жағдайына, оның әлеуметтік мәртебесіне әсерін ажыратып, анықтауға мүмкіндік береді.
Зерттеудің мақсаты жүрек лақтырылысы сақталған жүрек созылмалы жеткіліксіздігі (ЖСЖ) бар науқастардың өмір сүру сапасын бағалау болды.
Материалдар мен әдістер. ШҚО, Семей қаласында жүргізілген бірмезгілдік көлденең зерттеу. Бұл зерттеу 2018 жылдын 03 Науырыз айынан бастап 2019-шы 03 Қантар айына дейін өткізілген. Зерттеуге 306 адам қатысты. ӨСС бағалау үшін Миннесоттық сауалнама қолданылды. Деректер абсолюттік сандар және пайыздармен, сондай-ақ орта және оның 95% сенімді интервалы мен стандартты ауытқуымен берілген. Орташа мәндерді салыстыру Стьюденттің t-критерийі арқылы жүргізілді.
Нәтижелері. Науқастардың орташа жасы 64,6 (±11,67) болды. Респонденттердің басым бөлігін жергілікті тұрғындар (71,6%) құрады. Орта білімі бар науқастар 87,9% құрады. Зерттеуге қатысушылардың басым бөлігін зейнеткерлер (60,5%) құрады. Зерттеуге қатысушылардың лақтырылыс фракциясының орташа көрсеткіштері 60,7 (±5,54) тең болды. Зерттеуге қатысушылар денсаулығының жалпы физикалық компонентінің орташа көрсеткіштері 20,8 (±8,34) тең болды. Сауалнамаға қатысушылар денсаулығының жалпы психологиялық компонентінің орташа көрсеткіштері 6,8 (±5,16) тең болды. Сауалнама бойынша қорытынды балдардың нәтижесі бойынша орташа балл 42,7 (±17,45) тең болды.
Қорытынды. Зерттеуге қатысушылар денсаулығының физикалық компоненті ӨСС-ның орташа қанағаттанарлық деңгейіне сәйкес келді. Бұл ретте әйелдер ӨСС-ның физикалық компонентінің көрсеткіші ерлерден нашар болды. Сауалнамаға қатысушылар депрессивті көріністер мен мазасыздық бұзылуларға аз шалдыққан. Зерттеу қатысушыларында сауалнама бойынша баллдардың қорытынды сомасы ӨСС-ның орташа қанағаттанарлық деңгейіне сәйкес келеді.
Көрген адамдардың саны: 505
Мақалалар санаты:
Біртума зерттеулер
Библиографиялық сілтемелер
Орынбасарова Б.А., Шалгумбаева Г.М., Даутов Д.Х., Петрова Ю.В., Юрковская О.А., Жазыкбаева Л.К. Жүрек лақтырылысы сақталған жүрек созылмалы жеткіліксіздігі бар науқастардың өмір сүру сапасын бағалау // Ғылым және Денсаулық сақтау. 2020. 2 (Т.22). Б. 93-99. doi 10.34689/SH.2020.22.2.011Ұқсас жариялымдар:
ОРТА ЖАСТАҒЫ ЖӘНЕ ЕГДЕ ЖАСТАҒЫ АДАМДАРДАҒЫ ДЕНЕ САЛМАҒЫ ИНДЕКСІ МЕН СҮЙЕКТІҢ МИНЕРАЛДЫ ТЫҒЫЗДЫҒЫ АРАСЫНДАҒЫ БАЙЛАНЫС
САРКОИДОЗ ЖӘНЕ ӨКПЕ ТУБЕРКУЛЕЗІ КЕЗІНДЕГІ ГРАНУЛЕМАТОЗДЫ ҚАБЫНУДЫ КЛИНИКА-МОРФОЛОГИЯЛЫҚ ЖӘНЕ МОРФОМЕТРИЯЛЫҚ БАҒАЛАУ
БЕЛСЕНДІ ТУБЕРКУЛЕЗБЕН АУЫРАТЫН АИТВ ЖҰҚТЫРҒАН НАУҚАСТАРДА БАУЫРДЫҢ ДӘРІЛІК ЗАҚЫМДАНУЫ: САЛЫСТЫРМАЛЫ ЗЕРТХАНАЛЫҚ СИПАТТАМАСЫ
ҚАЗАҚСТАН РЕСПУБЛИКАСЫНДАҒЫ СОЗЫЛМАЛЫ ЖҮРЕК ЖЕТКІЛІКСІЗДІГІ БОЙЫНША АУРУЛАРДЫ БАСҚАРУ БАҒДАРЛАМАСЫН ІСКЕ АСЫРУ НӘТИЖЕЛЕРІ
ИНСУЛИНГЕ ТӨЗІМДІЛІГІ БАР НАУҚАСТАРДА ИНСУЛЬТ КЕЗІНДЕ ІШЕК МИКРОБИОМАСЫНЫҢ СИПАТТАМАСЫ