атриальды фибрилляция, этиологиясы анықталмаған ишемиялық инсульті, криптогендік инсульт, жүрек соғу жиілігін бақылау әдістері.

ЭТИОЛОГИЯСЫ АНЫҚТАЛМАҒАН ИШЕМИЯЛЫҚ ИНСУЛЬТПЕН АУЫРАТЫН НАУҚАСТАРДА ЖҮРЕК СОҒУ ЖИІЛІГІН ҰЗАҚ БАҚЫЛАУ ӘДІСТЕРІН ҚОЛДАНУ АРҚЫЛЫ ЖҮРЕКШЕЛЕРДІҢ ФИБРИЛЛЯЦИЯСЫН АНЫҚТАУ

Автор (лар): Рахимова И.Р, Хайбуллин Т. Н., Абдрахманова Ж.С., Ковальчук В.В, Абдрахманов А.С

DOI: 10.34689/SH.2021.23.5.010

Кіріспе. Жүрек камераларында тромб түзілуіне байланысты пациенттердің үштен бірінде белгісіз этиологияның ишемиялық инсультының себебі атриальды фибрилляцияның жасырын түрлері болуы мүмкін. Бүгінде жүрек соғу жылдамдығын бақылау әдістері кеңінен ұсынылған, бірақ бұл мәселеге бірыңғай көзқарас жоқ. Зерттеу мақсаты. Жүрекшелер фибрилляциясын анықтау арқылы қайталанатын инсульт санын азайту. Материалдар мен әдістер. «Кейс-бақылау» зерттеуге этиологиясы анықталмаған ишемиялық инсульті бар 288 науқас қатысты. Оның 155-і 48 сағат бойы үздіксіз бақыланды. Зерттеу тобы (n = 133) смартфонға негізделген құрылғының көмегімен жүрек соғу жылдамдығын бақылаудан өткізді. Статистикалық талдау. Сандық көрсеткіштер Колмогоров-Смирнов сынағы арқылы қалыпты үлестірімге сәйкестікке бағаланды (сыналушылардың саны 50-ден астам болған кезде қолданылады). Қалыпты таралу болмаған жағдайда, сандық деректер медиана (Me) және төменгі және жоғарғы квартилдер (Q1-Q3) арқылы сипатталды. Таралуы қалыптыдан өзгеше болған екі топты сандық көрсеткіш бойынша салыстыру Mann-Whitney U-тестінің көмегімен жүргізілді. Категориялық деректер абсолютті мәндермен және пайыздармен сипатталды. Тәуелді популяцияларды талдау кезінде МакНемар сынағы қолданылды. Көп өрісті кестелерін талдау кезінде пайыздарды салыстыру Фишердің нақты сынағы арқылы орындалды (күтілетін құбылыстың мәндері 10-нан аз болғанда қолданылады). Төрт өрісті кестесін талдаудағы пайыздарды салыстыру Пирсон хи-квадрат сынағы арқылы орындалды (күтілетін құбылыстың мәндері 10-нан жоғары болғанда қолданылады. Нәтижелер. 24 сағат ішінде жүрек ырғағын бақылайтын 4 (2,6%) пациенттен жүрекше фибрилляциясы анықталды, келесі 24 сағат ішінде қосымша 3 жүрекше фибрилляциясы бар науқас анықталды, барлығы 7 (4,5%) 48 сағаттық бақылаумен. Смартфонға негізделген құрылғының көмегімен ЭКГ жазуы 11 (8,3%) пациентте жүрекше фибрилляциясын жазуға мүмкіндік берді. Атриальды фибрилляция жиілігінің статистикалық маңызды айырмашылықтары 24 сағаттық Холтер мониторингі (2,6%) мен смартфонға негізделген қондырғы (8,3%) көмегімен бақылаулар арасындағы салыстыру жұбында алынды (p = 0,035). Жүрекше фибрилляциясы бар және онсыз науқастардың топтарын жынысы, жасы, жүректің ишемиялық ауруы, CHAD2DS2VASc баллдары бойынша салыстыру кезінде біз статистикалық маңызды айырмашылықтарды таптық (сәйкесінше p = 0,003, p <0,001, p = 0,042, p <0,001) Қорытындылар. Криптогендік инсультпен ауыратын науқастардың бүкіл ауруханада болған уақытында ЭКГ-ны смартфон құрылғысы арқылы бақылау жүрекшелер фибрилляциясын үздіксіз, бірақ қысқа (24-48 сағат) жазумен салыстырғанда жақсы анықтады. Осы ырғақтың бұзылуын анықтау нәтижесінде дәрігер мүгедектікке немесе науқастың қайтыс болуына жол бермеу үшін инсульттің қайталануын болдырмау үшін антиаритмиялық және антикоагулянттық препараттарды тағайындау туралы маңызды шешім қабылдайды. Смартфонға негізделген құрылғыны қолданудың күнделікті тәжірибесіне енгізу техникалық жағынан қиын емес, нәтиже науқастың өмірін сақтап, жұмыс қабілеттілігін сақтап қалады.

Көрген адамдардың саны: 256

Түйенді сөздер:

Мақалалар санаты: Біртума зерттеулер

Библиографиялық сілтемелер

Рахимова И.Р., Хайбуллин Т.Н., Абдрахманова Ж.С., Ковальчук В.В., Абдрахманов А.С. Этиологиясы анықталмаған ишемиялық инсультпен ауыратын науқастарда жүрек соғу жиілігін ұзақ бақылау әдістерін қолдану арқылы жүрекшелердің фибрилляциясын анықтау // Ғылым және Денсаулық сақтау. 2021. 5 (Т.23). Б. 85-92. doi 10.34689/SH.2021.23.5.010