МЕДИЦИНАЛЫҚ УНИВЕРСИТЕТТЕРДІҢ ПРОФЕССОРЛЫҚ-ОҚЫТУШЫЛЫҚ ҚҰРАМЫ АРАСЫНДА ПСИХОЛОГИЯЛЫҚ КҮЙЗЕЛІС. ӘДЕБИЕТТІК ШОЛУ
Кіріспе. Соңғы 20 жыл ішінде білім беру секторы кең ауқымды өзгерістерге ұшырады. Бүкіл әлем бойынша медициналық білім берудегі трансформациялық үдерістер және оқытушы міндеттерінің кеңеюі медициналық ЖОО-ның профессорлық-оқытушылық құрамы арасында психологиялық күйзелістің таралуын және болжаушыларын жан-жақты зерттеу қажеттілігін айқындайды. Соңғы бағалаулар бойынша, медицина қызметкерлері арасында депрессиялық белгілердің ғаламдық таралуы 28,8% құрады.
Зерттеу мақсаты. Медициналық университеттердің профессорлық-оқытушылық құрамы арасында психологиялық күйзелістің ғаламдық таралуы мен қауіп факторларын зерттеуге арналған жарияланымдарды талдау.
Іздеу стратегиясы. Біз PubMed, Scopus, Web of Science, Google Scholar, Ovid, SpringerLink дерекқорлары бойынша тиісті әдебиеттерді іздедік. Іздеу тереңдігі 10 жыл болып белгіленді. Қосу өлшемшарттары: ағылшын және орыс тілдеріндегі толық мәтінді түпнұсқа және шолу мақалалары, жүйелі шолулар, мета-талдаулар. Шығару өлшемшарттары: конференциялардың баяндамалары мен тезистері, жеке хабарламалар мен газет басылымдары, мақаланың ағылшын немесе орыс тілдеріндегі толық мәтінінің болмауы. Іздеу нәтижелері бойынша әдебиеттік шолуға біздің талаптарға сәйкес келетін 83 жарияланым енгізілді.
Нәтижелері. Қолданымдағы деректерге сәйкес, университет оқытушыларында жалпы халықпен салыстырғанда шекаралық менталды бұзушылықтардың едәуір жоғары деңгейі тіркеледі. Мазасыздық-депрессиялық ауытқулар медицина қызметкерлері арасында суицидтің жоғары коэффициентін тудыратуына байланысты, бұл психикалық денсаулыққа қатысты алаңдаушылықтың маңызды себебі болып табылады.
Қорытындылар. Әдебиеттік шолу медициналық жоғары оқу орындарының профессорлық-оқытушылық құрамы арасындағы психологиялық күйзелістің ауырлығы мен қауіп факторларын зерттеу физикалық және психикалық денсаулығына теріс әсер ететіндіктен ерекше қызығушылық тудыратынын көрсетті.
Көрген адамдардың саны: 325
Мақалалар санаты:
Әдебиеттерге шолу
Библиографиялық сілтемелер
Уристемова А.К., Мысаев А.О., Мигина Л.Е., Маутканова А.О. Медициналық университеттердің профессорлық-оқытушылық құрамы арасында психологиялық күйзеліс. Әдебиеттік шолу // Ғылым және Денсаулық сақтау. 2021. 6 (Т.23). Б. 214-223. doi:10.34689/SH.2021.23.6.023Ұқсас жариялымдар:
ДЕРМАТОФИТТЕРДІҢ АНТИМИКОТИКАЛЫҚ ПРЕПАРАТТАРҒА ТӨЗІМДІЛІГІНІҢ ҚАЗІРГІ ЖАҒДАЙЫ
БРОНХӨКПЕЛІК ДИСПЛАЗИЯНЫ ЗЕРТТЕУДЕГІ БИОМЕДИЦИНАЛЫҚ ИНФОРМАТИКАНЫҢ РӨЛІ
ӨКПЕНІҢ ҚАТЕРЛІ ІСІГІН ВИЗУАЛДЫ СКРИНИНГТІҢ МАҢЫЗДЫҒЫ
БҮЙРЕК ТРАНСПЛАНТАТЫН ҚАБЫЛДАМАУДЫ ДИАГНОСТИКАЛАУ ЖӘНЕ ЕМДЕУ: ӘДЕБИЕТТЕРГЕ ШОЛУ
СҮТ БЕЗДЕРІН ҚАЛПЫНА КЕЛТІРУ ӘДІСТЕРІНІҢ САЛЫСТЫРМАЛЫ СИПАТТАМАСЫ. ӘДЕБИЕТТЕРГЕ ШОЛУ