МЕДИЦИНА ҚЫЗМЕТКЕРЛЕРІНІҢ САЛАУАТТЫ ӨМІР САЛТЫН ҰСТАНУЫН ЗЕРТТЕУДІҢ ӘЛЕМДІК ТӘЖІРИБЕСІ
Өзектілігі. Жаман әдеттердің алдын алуда салауатты өмір салтының маңызы өте ерекше. Медицина қызметкерлерінің, әсіресе болашақ дәрігерлердің салауатты өмір салтын ұстануы, науқастар арасында салауатты өмір салтын ұстану принциптерін қалыптастыруға үлкен әсерін тигізеді.
Зерттеудің мақсаты медицина қызметкерлері арасында салауатты өмір салтын ұстануды зерттеу болды.
Іздеу стратегиясы. Зерттеу PubMed, GoogleScholar, e-Library, Medline, Cyberleninka халықаралық электронды әдеби дерекқорларын және мынадай кілттік сөздерді пайдалана отырып, (салауатты өмір салты, денсаулық сақтау мамандары, медбикелер, дәрігерлер, дұрыс емес тамақтану тәртібі, семіздік, физикалық белсенділік, алкогольді тұтыну, темекі шегу, стресс, эмоциялық күйзеліс, депрессия), 2010 жылдан бастап 2022 жылға дейінгі аралықты қамти отыра жүргізілді.
Зерттеу нәтижелері. Медицина қызметкерлері арасында артық салмақ пен семіздіктің кең таралуы ДДҰ-ның физикалық белсенділік жөніндегі нұсқауларын толық орындамау, сондай-ақ кейбіреулерінің темекі шегу және алкогольді ұсынылатын тәуліктік дозасынан асып түсу салдарынан болады. Ауысымдық жұмыс ерекшеліктері, шамадан тыс жұмыс жүктемелері, жиі стресстік жағдайлар, сондай-ақ дұрыс емес тамақтану, жеткіліксіз физикалық белсенділік, темекі шегу, алкогольді ішудің зиянды әсерлері және психикалық денсаулықты қолдау стратегиялары туралы білімнің болмауы денсаулық сақтау мамандарының салауатты өмір салтын ұстануына кері әсер етеді. Медицина қызметкерлерінің салауатты әдеттері пациенттер арасындағы өмір салтын өзгерту бойынша кеңес берудің белсенділігі мен жиілігіне әсер етеді, сонымен қатар пациенттерді өмір салтын өзгертуге ынталандырады.
Қорытынды. Медицина қызметкерлерінің өмір салтын зерттеу, сондай-ақ салауатты өмір салтын ұстануына кедергі келтіретін факторларды зерттеу жалпы Қазақстанның қоғамдық денсаулығына әсер етуі мүмкін.
Көрген адамдардың саны: 196
Мақалалар санаты:
Әдебиеттерге шолу
Библиографиялық сілтемелер
Абикулова А.К., Құмар А.Б., Куттыбаев А.Д., Ибраева К.Б., Құсайынов А.З., Алтынбекова Г.И. Медицина қызметкерлерінің салауатты өмір салтын ұстануын зерттеудің әлемдік тәжірибесі // Ғылым және Денсаулық сақтау. 2023. 2 (Т.25). Б. 261-269. doi 10.34689/SH.2023.25.2.033Ұқсас жариялымдар:
ДЕРМАТОФИТТЕРДІҢ АНТИМИКОТИКАЛЫҚ ПРЕПАРАТТАРҒА ТӨЗІМДІЛІГІНІҢ ҚАЗІРГІ ЖАҒДАЙЫ
БРОНХӨКПЕЛІК ДИСПЛАЗИЯНЫ ЗЕРТТЕУДЕГІ БИОМЕДИЦИНАЛЫҚ ИНФОРМАТИКАНЫҢ РӨЛІ
ӨКПЕНІҢ ҚАТЕРЛІ ІСІГІН ВИЗУАЛДЫ СКРИНИНГТІҢ МАҢЫЗДЫҒЫ
БҮЙРЕК ТРАНСПЛАНТАТЫН ҚАБЫЛДАМАУДЫ ДИАГНОСТИКАЛАУ ЖӘНЕ ЕМДЕУ: ӘДЕБИЕТТЕРГЕ ШОЛУ
СҮТ БЕЗДЕРІН ҚАЛПЫНА КЕЛТІРУ ӘДІСТЕРІНІҢ САЛЫСТЫРМАЛЫ СИПАТТАМАСЫ. ӘДЕБИЕТТЕРГЕ ШОЛУ