сауалнама, валидация, науқас, кеңейтілген практика мейіргері.

«МЕДИЦИНАЛЫҚ-САНИТАРЛЫҚ АЛҒАШҚЫ КӨМЕК ДЕҢГЕЙІНДЕ ӨЗ БЕТІМЕН МЕЙІРГЕРЛІК ҚАБЫЛДАУ ЖҮРГІЗУІНЕ НАУҚАСТАРДЫҢ ҚАНАҒАТТАНУШЫЛЫҚ ПІКІРІН ЗЕРТТЕУ» АТТЫ НАУҚАСТАРҒА АРНАЛҒАН САУАЛНАМАНЫ ӘЗІРЛЕУ ЖӘНЕ ВАЛИДАЦИЯЛАУ

Автор (лар): Достанова Ж.А, Ермуханова Л.С, Байгожина З.А, Таушанова М.К, Султанова Г.Д, Курганбекова М.Б, Ережепов Б.Е

DOI: 10.34689/SH.2023.25.5.020

Өзектілігі. 2017 жылдан бастап Қазақстанда ең үздік халықаралық тәжірибеге бағдарлана отырып, дербес мейіргерлік қабылдауды және оларға бірқатар дәрігерлік функционалдылықты беруді жүзеге асыруды көздейтін тәуелсіз кәсіптік мейіргерлік тәжірибе енгізілуде [8-10]. Мейіргерлік қызметтің жаңа моделін енгізуге байланысты кеңейтілген мейіргерлер қызметінің сапасын бағалау қажеттілігі туындайды. Науқастардың медициналық көмекке қанағаттануы оның сапасының көрсеткіштерінің бірі екені сөзсіз. Осыған сәйкес, науқастардың медициналық-санитарлық алғашқы көмек деңгейінде дербес мейіргерлік қабылдауға қанағаттануын бағалау барған сайын өзекті бола түсуде [14-16]. Мақсаты: Медициналық-санитарлық алғашқы көмек деңгейінде науқастардың өз бетімен мейіргерлік қабылдауға қанағаттану пікірін зерттеуге бағытталған сауалнаманың сенімділігін әзірлеу, сынақтан өткізу және бағалау. Материалдар мен әдістері: Сауалнама медициналық басылымдардың дерекқорларындағы әдебиеттерге жүйелі шолу негізінде жасалды. Сауалнаманы тексеру бірнеше кезеңнен тұрды: әзірлеу, аудару және лингвистикалық бейімделу, сараптама, пилоттық тестілеу, түзету және соңғы нұсқаны қалыптастыру. Сауалнаманың сенімділігін анықтау Кронбахтың α коэффициентін есептеу негізінде есептелген ішкі консистенцияны бағалауға негізделген. Нәтижелері: Сауалнаманың лингвистикалық бейімделуінің барлық кезеңдерін қорытындылай келе, сауалнаманың аударылған нұсқаларында ерекше айырмашылықтар байқалмады. Сұрақтарды оңай түсіну үшін сұрақтар мен олардың жауаптарының тұжырымдамаларына шағын түзетулер енгізілді. Пилоттық сауалнамаға 50 науқас қатысты. Ішкі консистенция демографиялық көрсеткіштерден басқа әрбір зерттеу саласы үшін Кронбахтың α коэффициентімен есептелді және орнатылды. Сауалнама сұрақтары үшін Кронбахтың α сенімділік критерийінің мәні кемінде 0,7 болды. Қорытынды. «Медициналық-санитарлық алғашқы көмек деңгейінде науқастардың өз бетімен мейіргерлік қабылдауға қанағаттану пікірін зерттеу» атты әзірленген және сыналған жаңа түпнұсқа сауалнамасы (модификацияланған нұсқа) сенімділік пен ішкі үйлесімділіктің жеткілікті көрсеткіштерін көрсетті. Бұл науқастардың өз бетімен мейіргерлер қабылдауына қанағаттану пікірін бағалау үшін оны қолданудың сенімділігі мен ыңғайлылығын қамтамасыз етіп, ғылыми мейіргерлік зерттеулерде және клиникалық тәжірибеде қолдануды ұсынуға мүмкіндік береді.

Көрген адамдардың саны: 14

Түйенді сөздер:

Мақалалар санаты: Біртума зерттеулер

Библиографиялық сілтемелер

Достанова Ж.А., Ермуханова Л.С., Байгожина З.А., Таушанова М.К., Султанова Г.Д., Курганбекова М.Б., Ережепов Б.Е. Медициналық-санитарлық алғашқы көмек деңгейінде өз бетімен мейіргерлік қабылдау жүргізуіне науқастардың қанағаттанушылық пікірін зерттеу» атты науқастарға арналған сауалнаманы әзірлеу және валидациялау // Ғылым және Денсаулық сақтау. 2023. 5 (Т.25). Б.151-157. doi 10.34689/SH.2023.25.5.020